نادين شاهين الوجه الجميل وراء تطوير الخط العربي

نادين شاهين, الوجه الجميل وراء تطوير الخط العربي

نادين شاهين الجميلة اللى في الصورة دي من ساعة ما عرفتها من اكتر من سنتين تقريباً مش بيعدي عليا شهر إلا وانا بشكرها بيني ما بين نفسي أو كل مرة بستخدم خط من خطوطها -واللي بالمناسبة بكتب بيه المقال حالياً-, بالنسبالى هي أشبه حد في وقتنا الحالي ب آرثر كونان دويل اللي غالباً قلة قليلة هتعرفه لما تقرا اسمه لكن لو قولت “شيرلوك هولمز” أي حد هيعرفه على الرغم من إن آرثر كونان دويل هو مبتكر الشخصية ومؤلف الروايات الشهيرة الخاصة بيها, نادين شاهين تقريباً نفس الفكرة قليل ما بشوف إسمها في المحتويات العربية الخاصة بالتصميم وقليلن اللى يعرفوها على الرغم من إنها هي اللى صممت أكتر من 10 خطوط عربية منهم 8 هما يعتبروا الأشهر والأفضل -من وجهة نظري- واللي أكيد أي مصمم استعمل واحد منهم وأى شخص قرا حاجة مكتوبة بواحد منهم.

دكتور نادين شاهين هي مثال لكل أنثي من أنجح ما تكون في مجالها قبل ما تكون مصممة لبنانية حائزة على أكتر من جائزة وبتشتغل خبيرة في الخطوط العربية في Monotype (اللي إسمها كان Linotype) من 2005 وعايشه في المانيا من وقتها, دكتور نادين درست التصميم الجرافيكي في الجامعة الأمريكية في بيروت وحصلت على درجة الماجيستير في تصميم الخطوط من جامعة Reading في بريطانيا وكمان الدكتوراه من جامعة Leiden في هولندا

أثناء دراستها في Reading كان تركيزها منصب على العلاقة بين الخطوط العربية و اللاتينية وإمكانية خلق علاقة متناغمة بينهم ودا اللى حصل في خطها Koufiya واللي يعتبر أول خط عربي ولاتيني بيضم أجزاء متطابقة من الأتنين, وبعدها صممت خطوط تانية بتعتمد على نفس فكرة التطابق ما بين العربي واللاتيني واللي أكيد أنت لو كنت مصمم سبق واستخدمت واحد منهم,  زي :
– Janna

  • Frutiger
  • Universe next Arabic
  • Din next Arabic
  • Neue Helvetica Arabic
  • ITC handle gothic Arabic
  • Koufiya
  • SST Arabic
  • Palatino Arabic
  • Hamra Str
  • Amariya
  • Big Vesta Arabic

في ناس بتعتبر محاكاة الخط العربي للخط اللاتيني دي حاجة بتفقد الخط العربي قيمته وأصالته أو إنها متشابهة جداً ومتقاربة في الشكل والروح, انا مش خبير أكيد في الخط العربي لأنه حاجة عريقة جداً وأكبر من أنى أناقشها بس كمصمم بعتبرها واحدة من أفضل الحاجات اللى حصلت علشان نقدر نعمل شعارات محافظة على نفس قوتها سواء بالعربي واللاتيني لأن مش في كل الأوقات الـLettermatching بيكون حل كويس مع كل الخطوط اللاتينية وفكرة أنه يكون في خطوط عربية بتحاكي الخطوط اللاتينية شايفها بتفتح أبواب كتير لاستخدام أفضل وأكثر مرونة للخطوط العربية

نادين كمان صممت خطوط خاصة بشركات كبيرة زي MBC – Sony – H&M وجريدة النهار ووزارة الداخلية في أبو ظبي ومجموعة Credit Suisse

وكمان خطوطها تم استخدامها في علامات تجاربة كبيرة زي Emirates NBD, Etihad, Dubai Airports, MBC, OSN, and SKY News Arabia.

خطوط نادين تم عرضها في الإصدار الخامس من كتاب Megg’s History of Graphic Design

وفي 2012 تم اختيارها من شركة Fast Company كواحدة من أفضل 100 شخص مبدع

انا كتبت المقال دا كنوع من الشكر ليها على كل اللى عملته واللي لسا هتعمله وأتمني أني أشوفها معروفة بالنسبالنا كعرب بشكل أفضل من كدا، وعلشان ناس أكتر تعرف إن ورا كل الخطوط الجميلة والمتقنة دي هو وجه نادين شاهين الجميل

إيه رأيك في خطوط نادين شاهين وفكرة التناغم بين الخطوط العربية واللاتينية بشكل عام؟

نادين شاهين الوجه الجميل وراء تطوير الخط العربي

ما هو تقييمك لهذا المقال؟

0 / 5 التقييمات 0

هل وجدت هذا المقال مفيدًا؟

نادين شاهين, الوجه الجميل وراء تطوير الخط العربي نادين شاهين الجميلة اللى في الصورة دي من ساعة ما عرفتها من اكتر من سنتين تقريباً مش بيعدي عليا شهر إلا وانا بشكرها بيني ما بين نفسي أو كل مرة بستخدم خط من خطوطها -واللي بالمناسبة بكتب بيه المقال حالياً-, بالنسبالى هي أشبه حد في وقتنا الحالي ب آرثر كونان دويل اللي غالباً قلة قليلة...
5 1 5 1
هل أفادك المقال؟ شارك الفائدة ❤

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Fill out this field
Fill out this field
الرجاء إدخال عنوان بريد إلكتروني صالح.
You need to agree with the terms to proceed

مقالات مشابهة

القائمة
مشاركة عبر
نسخ الرابط

إبلاغ عن خطأ إملائي

سيتم إرسال النص التالي إلى المحررين لدينا: