مصادر مهمة تتعلم منها جرافيك ديزاين | Facebook Design 1
تصميم
2 تعليقان
1,781

2 دقيقة

مصادر مهمة تتعلم منها جرافيك ديزاين | Facebook Design

بتسأل كتير من وقت للتاني عن المصادر اللي بتعلم منها، فقلت أشاركها في مقالات صغيرة وسريعة عشان كله يستفاد ودا هيكون أفضل.

اول مصدر حابب ابدأ بيه هو Facebook Design وكنت حابب ابدأ بيه لأنه مش منتشر كتير ومش فاكر إني شوفت حد أتكلم عنه مع إنه فيه محتوي قوي جداً ومفيد جداً جداً ❤️

لو انت مصمم أو مهتم بالتصميم يبقي ليه تضيع وقتك على Facebook لما ممكن تستفاد منه أكتر على Facebook Design! على المستوي الشخصي بعتبرها واحدة من أفضل المدونات اللي هتضيفلك خبرة كبيرة في مجال التصميم والتطوير وطريقة الشغل نفسها واللي بيشاركها فريق التصميم في Facebook نفسه، المدونة تصميمها Minimal لأبعد حد وتركيزها كله على المحتوي واللي متنوع وجميل جداً.

هتلاقي فيديوهات من مؤتمر F8 مفيدة جداً (خصوصاً الفيديو اللي بيتكلم عن أهمية الـ Prototyping) ومقالات مكتوبة فيها معلومات مهمة جداً عن التصميم ونصائح للمبتدأين ومقالات كاملة عن مراحل العمل وتنظيمه بين التيم وتجارب هتتعلم منها كتير.

والجزء المفضل بالنسبالى هو الـ Case Studies المعمولة عن اغلب المميزات المستخدمة في Facebook وإزاي تم تصميمها وتنفيذها بشكل مفصل ومفيد جداً، انصحك اقرأهم حتى لو هما مش مجالك ولا اهتمامك لأنك هتتعلم منها حاجة اهم وهي ازاي تشتغل بشكل بروفيشنال اكتر وإزاي التيم بيشتغل مع بعض علشان يعملوا حاجة كبيرة ودي حاجات هتفيدك لو كنت بتشتغل في تيّم او حتى بتدير شركة

وكمان مقابلات مع أشخاص ملهمين جداً زي Larry Jackson (انصحكم تشوفوا المقابلة دي بتركيز كلامه عن التأثير مهم جداً) وكمان محاضرة Milton Glaser هتاخد فيها خبرة سنين طويلة جداً وكلامه ملهم بطريقة رهيبة وغيرهم كتير ❤️

والحاجة الجميلة إن المدونة بتحتوي على أدوات وملحقات تصميم كتير من Mockups و Apps UIs لأغلب تطبيقات Facebook هتفيدك جداً وحتى GUIs كاملة مش هتلاقيها مجاناً في اماكن تانية وكمان ملحقات خاصة بـ Origami Studio للناس اللي بتستخدمه.

وأخيراً تقدر تشوف الوظائف المتاحة وتقدم على شغل في Facebook نفسه من Careers! تقدر تشوف الوظائف اللي طالبينها في مكاتبهم حول العالم بشكل مستمر من اللينك دا http://bit.ly/fbcareers0

الحقيقة المدونة انا شبه حافظ محتواها بالكامل ومع ذلك من وقت للتاني بشغل اَي حاجة منه في الـ Background وانا شغال لأنها مش حاجات تتشاف مرة واحدة وبس. بالمناسبة حالياً المقالات بقت كمان على Medium للناس اللي بتحب تقرأ هناك.

الحاجة الوحيدة اللي عايزك تاخد بالك منها هي إنك متتعاملش مع المحتوي ككل او متقراش مقال لأنك شايف مش مفيد بالنسبالك، لان في اجزاء صغيرة بتكون مهمة جداً زي أسئلة اخر المؤتمر على سبيل المثال مفيدة جداً لوحدها حتى لو كان موضوع السيشن مش مفيد بالنسبالك.

مش هتكلم اكتر من كدا بس تقدروا تكتشفوا اكتر على

www.facebook.design​

ما هو تقييمك لهذا المقال؟

مصادر مهمة تتعلم منها جرافيك ديزاين | Facebook Design بتسأل كتير من وقت للتاني عن المصادر اللي بتعلم منها، فقلت أشاركها في مقالات صغيرة وسريعة عشان كله يستفاد ودا هيكون أفضل. اول مصدر حابب ابدأ بيه هو Facebook Design وكنت حابب ابدأ بيه لأنه مش منتشر كتير ومش فاكر إني شوفت حد أتكلم عنه مع إنه فيه محتوي قوي جداً ومفيد جداً جداً ❤️...
5 1 5 3
0 / 5 التقييمات 5

هل وجدت هذا المقال مفيدًا؟

مصادر مهمة تتعلم منها جرافيك ديزاين | Facebook Design بتسأل كتير من وقت للتاني عن المصادر اللي بتعلم منها، فقلت أشاركها في مقالات صغيرة وسريعة عشان كله يستفاد ودا هيكون أفضل. اول مصدر حابب ابدأ بيه هو Facebook Design وكنت حابب ابدأ بيه لأنه مش منتشر كتير ومش فاكر إني شوفت حد أتكلم عنه مع إنه فيه محتوي قوي جداً ومفيد جداً جداً ❤️...
5 1 5 17
هل أفادك المقال؟ شارك الفائدة ❤

2 تعليقان. أضف تعليق

  • عمار محمد
    يونيو 6, 2020 9:39 م

    انا دخلت عل المنصة دى معرفتش استفاد حاجة…ممكن طريقة اعرف ازاى اتعلم منها؟

    رد
  • اهلًا بيك يا عمار، تقدر تستفاد في المدونة الخاصة بيهم من المقالات والـ Case Studies اللي عاملينا وكمان في Tools & Resources هتلاقي كم كبير من الادوات والمصادر التصميمة المهمة، نتمنى دا يساعدك بشكل أفضل.

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Fill out this field
Fill out this field
الرجاء إدخال عنوان بريد إلكتروني صالح.
You need to agree with the terms to proceed

مقالات مشابهة

القائمة
مشاركة عبر
نسخ الرابط

إبلاغ عن خطأ إملائي

سيتم إرسال النص التالي إلى المحررين لدينا: